Ираны шинэ Ерөнхийлөгч Хассан Роухани эмэгтэйчүүдийн эрхийг сайжруулна хэмээн амласан. Тэрээр саяхан дэд ерөнхийлөгчид анх удаа эмэгтэй хүнийг нэр дэвшүүлсэн юм.

Гэвч тус улсад жендерийн тэгш бус байдал дээд цэгтээ хүрсэн талаар барууны хэвлэлүүд мэдээлж байна. Гадаад хэргийн сайд Завад Зарифыг танилцуулах ёслолын үеэр авсан зургууд тэгш бус байдал ямархуу түвшинд байгааг хангалттай нотолж байгаа гэлээ. Энэ сарын эхээр дарсан зурагт тангараг өргөх ёслолыг сурвалжилж буй эмэгтэй сэтгүүлчид газар сууж, харин эрчүүд сандал дээр заларчээ.

Өчигдөр Иранын хэвлэл Гадаад хэргийн сайдын хэвлэлийн төлөөлөгч болон бие төлөөлөгчид эмэгтэй хүнийг томилно хэмээн зарласан билээ.