АНУ-ын Ерөнхийлөгч Барак Обама найруулагч Ли Даниельсийн бүтээл “The Butler” киног үзээд уйлсан тухайгаа радио нувтрүүлгээр зарлалаа. Энэ сарын дундуур нээлтээ хийсэн уг кино африк-америк гаралтай иргэн Цагаан ордонд ажиллахад иргэний эрх нь хэрхэн зөрчигдөж байсан тухай өгүүлсэн байна.

Энэхүү кинонд Форест Уитейкер болон Опра Уинфри нар гол дүрд тоглосон юм. Уг кино Хойд Америкт борлуулалтын тоогоороо хоёр дахь долоо хоногтоо тэргүүлж байгаа юм.

Ирэх жилийн Академийн шагналуудыг түүх бүтээл хэмээн нэрлэгдээд буй уг киног үзсэн Барак Обама “Би зөвхөн энэ кинон дээр гарсан ордны ажилчдыг хараад уйлсан юм биш. Харин хүн төрөлхтний авьяаслаг, чадвартай нэгэн хэсгийг хараад уйллаа. Гол дүрийн баатар Жим Кроуг зовоосон шиг арьс өнгөөр ялгаварлах үзэл одоо ч хүртэл байгаа, цаашид ч байж мэдэх юм” хэмээжээ. АНУ-ын анхны африк-америк гаралтай ерөнхийлөгчийн сэтгэлийг кино ихэд хөдөлгөсөн байна.

Америкийн түүхийн 50 жилийн харуулсан энэ киног Цагаан ордонд 34 жил ажилласан Евгений Аллен гэх африк-америк гаралтай ажилтны амьдралын бодит түүхээс сэдэвлэн бичжээ.