АНУ-ын Монтана муж улсын Биллингс хотын шүүх танхмийн гадаа олон зуун иргэн жагсахаа мэдэгдээд байна. Тэд 14 настай охиныг хүчирхийлсэн этгээдэд нэгхэн сарын ял оноосон шударга бус явдлыг эсэргүүцэж байгаа юм. Жагсаалыг Эмэгтэйчүүдийн төлөөх үндэсний байгууллага зохион байгуулж байгаа бөгөөд мужийн шүүгч Тодд Баугхыг огцрохыг шаардана гэлээ.

Биллингс хотын сургуулийн багш асан Дин Рэмболд 14 настай сурагч охиныг хүчирхийлсэн аймшигт хэрэг 2008 онд гарсан юм. Охин сэтгэл санааны хүнд цочролд орсны улмаас хэрэг шүүгдэх явцад буюу 2011 онд амиа хорложээ. Гэсэн хэдий ч шүүхээс багш залууд ердөө нэг сарын ял оноосон нь оршин суугчдыг босоход хүргэж байгаа юм.

Ял оноосноос хоёр хоногийн дараа буюу өчигдөр хохирогч охины ээж Аулиа Хэнлон “CNN” телевизд ярилцлага өгсөн байна. Тэрээр “Багш залуу хууль зөрчсөн, түүнийгээ хүлээн зөвшөөрсөн. Гэсэн хэдий ч эрх чөлөөтэй явахаар боллоо” хэмээн ярьсан байна.

Д.Идэр