Эцэг, эхчүүд дөнгөж төрсөн нярай хүүхдээ хаях тохиолдол сүүлийн үед ихээр гарах болсон.   Уржигдар л гэхэд  Баянзүрх дүүргийн 19 дүгээр хорооны Цайзын гэх гудамжинд нэг сартай нярай хүүхэд олджээ. Тодруулбал, хэн болох нь тодорхойгүй 2.7 кг жинтэй ил харагдах гэмтэл шарх сорвигүй нэг сартай эрэгтэй хүүхэд олдсон байна. Одоогоор Эрүүл мэндийн яамны харъяа Хүүхдийн төв сувилалд хүлээлгэн өгч эцэг, эхийг нь эрэн сурвалжлах ажиллагаа явуулж байгаа аж. Энэхүү хүүхдээ хаясан үйлдлийг Баянзүрх дүүргийн цагдаагийн I дүгээр хэлтэс шалгаж байгаа юм.