“МИАТ-ийн” гэх тодотголтой хэргийн давж заалдах шатны шүүх хурал маргааш Нийслэлийн шүүхийн Эрүүгийн танхимд болно.

Шүүх хуралд даргалагч шүүгчээр Б.Сарантуяа, илтгэгч шүүгчээр Т.Өсөхбаяр, М.Пүрэвсүрэн, шүүгдэгчдийн өмгөөлөгчөөр Б.Цэндсүрэн, Д.Одонтунгалаг, Л.Мягмарцэрэн нарын 20 гаруй хүн оролцох юм.

Эл  хэргийн анхан шатны шүүх хурал өнгөрсөн зургадугаар сард болж  Баянзүрх дүүргийн шүүхээс 10-14 жилийн хорих ял оноосон билээ. Тэгвэл анхан шатны шүүхийн энэхүү шийдвэрийг хүлээн зөвшөөрөхгүй гэдгээ МИАТ-ийн экс удирдлагууд илэрхийлж, өмгөөлөгчдөөрөө дамжуулан ийнхүү Нийслэлийн шүүхэд гомдол гаргасан байдаг.