БНХАУ өчигдөр АНУ-ыг химийн зэвсэг хэрэглэсний хариу болгож Сирийн эсрэг нэг талыг баримталсан арга хэмжээ авахгүй байхыг уриаллаа.

Хятадын Гадаад хэргийн яамны хэвлэлийн төлөөлөгч Хонг Лэй мэдээлэхдээ “Вашингтон Бээжинд хэрэг явдлын талаар товч мэдээлэл өгсөн. БНХАУ химийн зэвсэг хэрэглэсэн явдалд маш их харамсч байгаа. БНХАУ Сирийн асуудлыг шийдвэрлэх цорын ганц бодит арга зам нь улс төрийн шийдвэр гэдэгт итгэлтэй байна. Гэхдээ АНУ-ыг хэтэрхий нэг талыг баримталсан арга хэмжээ авах гэж буйд харамсч байна” гэжээ.

Мөн олон улс Сирийн асуудлыг улам хүндрүүлэх, Дундад дорныг илүү гамшигт өртүүлэхээс болгоомжлох ёстой хэмээсэн байна. 

Ингэснээр БНХАУ Сирийн Ерөнхийлөгч Башар Ал Ассадын Засгийн газрыг огцруулах ямар нэгэн үйл ажиллагааг ОХУ-ын адил эсэргүүцэж буйгаа баталлаа хэмээн барууны хэвлэлүүд бичжээ.

АНУ Сирийн эрх баригчид химийн зэвсэг ашигласнаар 1429 иргэн амиа алдсан хэмээн мэдээлсэн билээ. Ассадын Засгийн газарт хариуцлага тооцохыг шаардаж байгаа Барак Обаматай нэг талд байна гэдгээ Францын Засгийн газар илэрхийлсэн юм.