Сирийн Засгийн газрыг иргэдийнхээ эсрэг химийн зэвсэг хэрэглэсэн гэж АНУ-ын шинжээчид баталсан билээ. Тиймээс тус улсын Ерөнхийлөгч Б.Обама Сирийн ард иргэдийг хамгаалахын тулд АНУ болон бусад хүний эрхийг дэмжигч орнууд цэргээ оруулах ёстой хэмээн байр сууриа илэрхийлсэн.
     Тэгвэл өчигдөр болсон АНУ-ын  Сенатын хорооны хурлаар Сирид хүч хэрэглэхийг мөн дэмжлээ. Хэдийгээр Б.Обама АНУ-ын Ерөнхийлөгчийн хувьд Сирид цэргээ оруулах эсэхийг шийдэх эрхтэй ч сенатын гишүүдээс санал авахаар болсон юм. Харин Сенатын хорооны гишүүдийн 70 хувь нь Б.Обамаг дэмжсэнээр дайн эхлэх хэнгэрэг цохилоо.

Сирийн Ерөнхийлөгч Башар Аль-Ассадын хувьд улс орон руу нь халдсан ямар ч гадны этгээдийн эсрэг тэмцэхэд бэлэн байгаагаа мэдэгдсэн юм.