Сирийн Ерөнхийлөгч Башар Ал Ассад “CBS” телевизд ярицлага өгчээ. Тэрээр Хэрвээ АНУ Сирид цэрэг оруулахаар болвол ямар ч хариу барихад бэлэн байгаа тухайгаа анхааруулсан байна.

Ерөнхийлөгч Башар Ал Ассад “Хэрвээ АНУ Сирид цэргийн дайралт хийх юм бол хариуд нь юу ч болж магадгүй гэдгийг хүлээх хэрэгтэй” хэмээн хэлсэн байна. Тэрээр ярилцлагын үеэр “юу ч болж магадгүй шүү” гэдгийг хамгийн олон удаа хэлж сануулсан аж.

Түүнээс Хэрвээ АНУ цэргийн дайралт хийвэл адил хариу барих уу гэж асуухад Ассад “Би ирээдүйг хэлдэг хүн биш. Юу ч болж болно” хэмээн хариулсан байна.

Башар Ал Ассад наймдугаар сарын 21-ний өдөр Дамаск хотод химийн зэвсэг хэрэглэсэнд түүний талынхан огт хамааралгүй гэжээ. Тэрээр “Манай өөр бүс нутагт явсан цэргүүд рүү химийн зэвсэг хэрэглэн дайрсан байсан. Гэвч Засгийн газрыг химийн зэвсэг хэрэглэсэн хэмээн буруутгаж буй газрын бичлэг, зурагт манай цэргийн хүчнийхэн огт байгаагүй” гэсэн байна. Мөн тэрээр Америкийн эрх баригчдад хандан “Дайныг хүсэхгүй байгаа бол Сирийн эсрэг бүү дайр” гэжээ.