АНУ есдүгээр сарын 11-ний өдрийн террорист халдлагаар амь насаа алдсан иргэдийг 12 дахь жилдээ дурслаа. 2001 оны есдүгээр сарын 11-ний өдөр болсон аймшигт террорист халдлагаар нийтдээ 3000-аад хүн амиа алдсан хэмээн бүртгэгджээ.

Ерөнхийлөгч Барак Обама болон АНУ-ын тэргүүн хатагтай Мишель Обама нар Пентагоны гадаа болсон дурсгалын арга хэмжээнд оролцсон байна. Гэхдээ ямар ч улс төрч үг хэлж, илтгэл тавиагүй хэмээн мэдээллээ.

Дурсгалын ёслол Вашингтон, Нью-Йорк хотуудад болжээ. Нью-Йорк хотод л гэхэд 1000 гаруй хүн уг ёслолд оролцохоор цугларсан байна.

9 сарын 11-ний терроримт халдлагыг Осама Бин Ладен Аль-Кайда бүлэглэлийг удирдан зохион байгуулсан билээ. Халдлагын үеэр 19 террорист дөрвөн онгоцыг эзлэн авч гурван байнд халдлага үйлдэж амиа золиослосон юм.