Сансрын хиймэл дагуулаас авсан зураг Хойд Солонгосыг плутонийн риактороо дахин ажилуулж эхэлснийг нотолж байгаа тухай АНУ-н судалгааны хүрээлэн мэдээллээ.

Ёнбин цөмийн цогцолборт байрлах таван мегаваттын хүчин чадалтай риакторыг зэвсэг хураах хэлэлцээрийн дагуу 2007 онд хаасан байна. Өнгөрсөн хавар Солонгосын хойгийн байдал хурцдах үед буюу дөрөвдүгээр сард Пхеньян риакторыг дахин ажилуулахаа мэдэгдсэн юм. Ойрын үед хоёр Солонгосын харилцаа сэргэж байгаа ч Ким Чен Ун аль хэдийн цөмийн хөтөлбөрөө үргэлжлүүлж эхэлснийг зургаас харж болох аж.

Наймдугаар сарын 31-ний өдөр сансрын хиймэл дагуулаар авсан зургаас харахад риакторын хажуугийн барилгуудаас уур гарч байгаа гэлээ. Уурын өнгө болон эзлэхүүний хэмжээ цахилгаан үүсгэх системтэй таараад зогсохгүй риактор барилгуудын дотор эсвэл ойролцоо байгааг илтгэж байна хэмээн судлаачид тэмдэглэжээ.
Плутонийн риактор цахилгаан үйлдвэрлэхээс гадна цөмийн зэвсэг бүтээхэд ашигладаг хуваагддаг материал үйлдвэрлэдэг байна.