Египетийн байдал хурцадсаны улмаас Ерөнхийлөгчийн үүрэг гүйцэтгэгч сарын өмнө үндэстэн даяар онц байдал зарласан билээ. Тэрээр өчигдөр онц байдлыг хугацааг хоёр сараар сунгасан байна.

Төрийн эргэлтээр суудлаасаа буусан өмнөх Ерөнхийлөгч Мохаммед Морсиг дэмжигчид цэргийн хүчнийхэнтэй мөргөлдөх нь улам хурцдаж байгаа аж. Дэмжигчид, цэргийнхний хяналтгүй мөргөлдөөний улмаас өнгөрсөн сард 1000-аад хүн амиа алдсаны дараа Ерөнхийлөгчийн үүрэг гүйцэтгэгч наймдугаар сарын дундуур нэг сарын хугацаатай онц байдал зарласан юм.

Харин хугацааг сунгасны саяхны довтолгоонд ялагдал хүлээсэнтэй холбон тайлбарлаж байна. Египетийн армийн цэргүүд Синайн хойгийн хойд хэсгийн нутагт довтолгоо хийсэн ч зэвсэглэсэн босогчдод цохиулсан юм. Гурван өдрийн довтолгооны туршид Египетийн армийн 29 цэрэг амиа алдаж, агаарын довтолгооноос хамгаалах 10 гаруй пуужин зэрэг олон зэр зэвсэг дэлбэрсэн хор хохирол амсчээ.

Түр Засгийн газар онц байдал зарласны хүрээнд шөнийн цагаар хөл хорир тогтоогоод байсан юм. Харин хөл хориог цаашид үргэлжлүүлэх эсэхийг шийдээгүй байгаа хэмээн Дотоод хэргийн сайд Хазем Эл-Бэблави мэдээлжээ.