Өнгөрсөн долоо хоногт ялалт байгуулсан Австралийн шинэ Ерөнхий сайд Тони Эботт өөрийн кабинетаа байгуулж дуусчээ. Тэрээр өнөөдөр Засгийн газрын сайдуудаа томилсон тухайгаа нийслэл Канберра хотод мэдээлсэн байна.

Тони Эботт Дэд бүтэц, Гадаад хэрэг, Ажил эрхлэлт, Хууль зүй, Сангийн яам болон Хөдөө аж ахуй, Боловсрол, Үйлдвэрлэл, Нийгмийн үйлчилгээ, Харилцаа холбоо, Эрүүл мэнд, Спорт, Бичил бизнес, Батлан хамгаалах, Байгаль орчин, Цагаачлал-гааль, Дотоод хэрэг болон Худалдаа-хөрөнгө оруулалтын яамны сайдуудыг томилсон байна.

Мөн тэрээр парламентын Ерөнхий нарийн бичгийн даргаар Жош Фрайденберг болон Алан Тудж нарыг томилжээ.

Ерөнхий сайд Тони Эботт шинэчлэлийн Засгийн газрын яамдууд тогтвортой байдлын баталгаа болно хэмээн онцлоод, “Миний шинэ баг Засгийн газрыг тогтвортой, хүчирхэг байлгахаас гадна үр дүнтэй, нэгдмэл сөрөг хүчний үүргийг гүйцэтгэнэ” хэмээн хэлжээ.
Тони Эботтын кабинетад ганцхан эмэгтэй төлөөлөгч байгаа нь бага зэрэг шүүмжлэл дагуулсан байна.