Могойтой архийг эрүүл мэндэд сайн гэж үздэг. Тэгвэл Зүүн Хятадад могойтой архин дотор гурван сарын турш хадгалагдсан могой амьд байсан хачирхалтай үйл явдал болжээ.

Лонхтой дарсан дотор гурван сарын турш хадгалагдсан могой эмэгтэй рүү дайрч хазсан байна. Хятадын Хэйлонжиань мужийн Шуанчен хотын оршин суугч Лиу овогт бүсгүй могойд хазуулсны дараа эмнэлэгт хүргэгдсэн гэлээ. Хохирогч эмэгтэй дарсны лонхны тагийг авахад өмнөөс нь дотор нь байсан могой дайрсан хэмээн мэдүүлжээ.

Эмэгтэй хэрх өвчнөө эмчлэхээр могойг худалдан авч дарсанд хийн хадгалсан байна. “Би бүхэл бүтэн гурван сарын дараа дарсыг үзэхээр нээсэн. Гэтэл могой амьд байсан” хэмээн эмэгтэй ярьжээ.

2001 онд мөн архинд хадгалсан могой амьд байсны улмаас Ганьсу мужийн нэгэн эрэгтэй хазуулж амиа алдсан тохиолдол гарч байсан байна. Хятад болон зүүн Азийн улсуудад могойг архинд удаан байлгаж эмчилгээний зориулалтаар ашиглах нь элбэг байдаг аж. Зарим оронд далайн морь эсвэл жижиг гүрвэлийг архинд хадгалдаг байна.