Америкт дахин буутай халдлага гарч 13 хүн өртөөд байгаа талаар шуурхай эх сурвалж мэдээллээ. Халдлагад өртсөн хүмүүсийг эмнэлэгт хүргэсэн бөгөөд ихэнхийнх нь биеийн байдал маш муу байгаа аж.

Хэрэг явдал орон нутгийн цагаар пүрэв гаргийн 22:15 цагт буюу өнөөдөр өглөө Чикаго хотын “Back of the Yards neighborhood” дүүргийн Уэст 51-р гудамжины сагсан бөмбөгийн талбайд болжээ.

13 хохирогчийн дунд гурван настай хүү байсан байна. Насанд хүрсэн 10 хүн болон гурван настай хүүг “Моунт Синай” эмнэлэгт хүргэсэн байна. Харин 12 дахь хохирогч өөрөө Эвэргрийн дүүргийн Мэри эмнэлэгт очжээ.

Цагдаа нарын мэдээлснээр 13 хохирогчийн 10 нь насанд хүрсэн хүн бол хоёр нь өсвөр насны хүүхэд, үлдсэн нь гурван настай хүү байжээ. Гурван настай хүү толгойдоо хүнд шархадсан байна. Бууны сум хүүгийн чихээр ороод амаар нь гарсан бөгөөд биеийн байдал тун хүнд байгаа аж.

Чикаго хотын Цагдаагийн газар танхай этгээдүүдийн дайралт гэхээс өөр мэдээлэл өгөөгүй байна. Мөн халдагч этгээдийн талаар гэрчүүдээс мэдүүлэг авч эхлээгүй байна. Хэргийн газарт үзлэг хийхээр 60 гаруй цагдаа ажиллаж байна.

Өнгөрсөн даваа гарагт Вашингтон хотын тэнгисийн цэргийн баазад буутай этгээд халдсанаар 13 хүн амиа алдсан билээ.