Бангладешийн хувцасны үйлдвэрийн олон мянган ажилтан нийслэл Дака хотноо гурав дахь өдрөө жагсаж байна. Замуудыг хааж, үйлдвэрүүддээ гал тавьж, цагдаа нартай мөргөлдөж буй жагсагчид сарын цалин багадаа 100 ам.доллар байх ёстой хэмээн шаардаж байгаа юм.

Дака хотын ойролцоо орших 100 гаруй үйлдвэрийн дүүрэг Газипурын цагдаагийн газрын мэдээлснээр өнөөдрийн жагсаалд л гэхэд 200 мянган ажилтан нэгдсэн хэмээн мэдээлээд байна.

Үүний улмаас ажил цалгардаж барууны “Walmart” гэх мэтийн томоохон дэлгүүрүүдэд хувцас нийлүүлдэг 300 гаруй өнөөдөр үйл ажиллагаагаа зогсооход хүрсэн байна.

2010 онд мөн хувцасны үйлдвэрийн ажилчид жагссанаар сарын цалингаа 3000 така буюу 40 ам.доллар болгож байсан юм. Бангладешийн хувцасны үйлдвэрт аюуогүй байдал хангаддаггүй бөгөөд хамгийн их осол гардаг нь тогтоогдсон билээ.