Өмнөд Африкийн Ерөнхийлөгч асан Нельсон Манделагийн хөшөөг АНУ-ын нийслэл Вашингтон хотод босгожээ. Нобелийн энх тайвны шагналтны хөшөө Өмнөд Африкийн элчин сайдын яамны өмнө сүдэрлэсэн байна.

Гурван метр хөшөөг Өмнөд Африкийн Дракенстэйний засан хүмүүжүүлэх төвийн гадаа байрлах Нельсон Манделагийн хөшөөний загвараас хуулбарлан бүтээжээ. Нельсон Мандела дээрх шоронд 27 жил хоригдсон бөгөөд 1990 онд түүнийг суллагдахад Өмнөд Африкийн уран барималч Жин Доель хөшөөг нь босгож байсан юм.

АНУ-д суугаа Өмнөд Африкийн элчин сайд Эбрахим Расоол хөшөөг нээж үг хэлжээ. Хөшөөний дор Нельсон Манделагийн 1990 онд суллагдахдаа тавьсан илтгэлээс иш татан оруулсан байна.