УИХ-ын гишүүн Н.Номтойбаярыг өнгөрсөн шөнө хамгаалагчаа хутгалсан гэх мэдээлэл цацагдаад байгаа. Тэгвэл энэ мэдээллийн талаар тэрбээр тайлбар өгсөн байна. Өнгөрсөн шөнө тэрбээр Төрийн ордны хойно байрладаг бааранд Нямдорж гэгчтэй муудалцжээ. Н.Номтойбаяр "Тэр  над руу хутга бариад дайрсан. Түүнээс биш би хүн рүү хутга барьж танхайраагүй" хэмээн хэвлэлд тайлбар хийлээ. Харин бие хамгаалагчаа хутгалсан эсэх талаар асуухад "Шинэ дэлхий телевизийн захирал найз  минь дундуур орж салгасан. Дараа нь баарнаас тэд гарсан. Тэнд ямар процесс болсныг мэдэхгүй байна" гэхээс өөх зүйл хэлээгүй байна. Одоогоор түүнийг цагдаагийн байгууллагаас дуудаж байцаагаагүй байгаа аж. Н.Номтойбаяр гишүүн одоо УИХ-ын чуулганд суухаар Төрийн ордонд байгаа юм.