Чингэлтэй дүүргийн гуравдугаар хороо Улсын их дэлгүүрийн урд зогсоол дээр байсан авто машинаас цүнхтэй эд зүйлээ алдлаа гэсэн өргөдөл цагдаагийн байгууллагад иржээ. Ингээд шалгахад 63 настай эмэгтэй Ч гэгчийн “Тоёото лексус” автомашины хаалгыг онгойлгож цүнхтэй 100-тын дэвсгэрт 300 ширхэг, 30 мянган ам.доллар, бичиг баримт, хадгаламжийн дэвтэр зэргийг нь хулгайлсан байжээ. Хэргийг ЧД-ийн цагдаагийн нэгдүгээр хэлтэс шалгаж байна. Автомашинынхаа дохиоллыг сайжруулахгүй бол хулгайч нар өдрөөр хүртэл олон нийтийн газар байгаа машиныг тонодог болсон байгааг энэ жишээнээс харж байгаа биз ээ. Тиймээс автомашинаа харуул хамгаалалттай газар тавьж, эд зүйлээ орхиж явахгүй байхыг цагдаагийн байгууллагаас анхааруулж байна.