Өчигдөр Израйлийн Ерөнхий сайд Биньямин Нетаньяху Ираны цөмийн хөтөлбөрийн талаар ноцтой мэдэгдэл хийлээ. Тэрээр НҮБ болон АНУ-д хандан Ираны шинэ Ерөнхийлөгч Хассан Роуханид мадлагдахгүй байхыг уриалсан байна.

Биньямин Нетаньяху Иран наанаа эвлэрлийн оролдлого хийхийг хүсч буй мэт харагдаж байгаа боловч цаанаа цөмийн хөтөлбөрөө эрчимжүүлсээр л байгаа гэжээ. Мөн тэрээр ингэж сайхан загнаж буй нь АНУ-ыг цөмийн хөтөлбөртэй холбогдуулан эдийн засгийн хоригоо тавихгүй байхыг ятгах бодолтой байгаа хэмээжээ.

Тэрээр “Би Ираны хэлэлцээр болон инээмсэглэлийн довтолгооны үнэн нүүр царайг илчилж байна” хэмээн хэлсэн байна.

Ираны Ерөнхийлөгч Хассан Роухани өнгөрсөн долоо хоногт НҮБ-ын Ерөнхий Ассамблейн чуулганы үеэр илтгэл тавьж, цөмийн хөтөлбөрөө цаашид үргэлжлүүлэх сонирхолгүй байгаа хэмээн албан ёсоор мэдэгдсэн юм. Мөн эл асуудлаар барууны орнуудтай хэлэлцээ хийхэд бэлэн гэдгээ тунхагласан билээ.