Өнгөрсөн долоо хоногт Канадын үүрэн холбооны “Blackberry” компанийг хувь хүн худалдаж авахаар болсон. Ингэснээр 2003 онд анх ухаалаг загвар нь гарахдаа зах зээлийг тэсрүүлж байсан blackberry хэрэглэгчдийн ирээдүй тодорхойгүй болж байгаа юм.

Засгийн газрын хэрэг эрхлэх газрын дарга Ч.Сайханбилэгийн тухайн үед хамгийн ажил хэрэгч, мундаг утас хэмээн рекламддаг байсан blackberry-гийн борлуулалт сүүлийн жилүүдэд эрс муудсан билээ.

“Blackberry”-гийн нийт алдагдал өнгөрсөн улиралд л гэхэд нэг тэрбум ам.доллар хүрч, ажиллах хүчнийхээ 50 хувийг буюу 4500 ажилтнаа халж буйгаа зарласан.

Энэхүү дампуурал нь “Samsung”, “Google”, “Apple”-ийн ухаалаг гар утсуудад байр сууриа алдах болсонтой холбоотой. Учир нь “Blackberry” сүүлийн жилүүдэд утасныхаа загварыг олигтой шинэчлээгүйгээс гадна шинэ загвар танилцуулна гэсэн амлалтаасаа буцсаар байсан юм.

Компанийн ашгийг буурах болсноор хувь хүнд зарах гол шалтгаан боллоо хэмээн эдийн засгийн ажиглагчид дүгнэж байна. Одоо “Blackberry”-г хамгийн том хувьцаа эзэмшигч нь болох “Fairfax Financial Holdings” даатгалын компани 4.7 тэрбум ам.доллараар худалдан авахаар болжээ. Өөрийгөө таван тэрбум ам.доллараар үнэлээд 4.7 тэрбум дээр буусан “Blackberry” дээрх хувийн компанид дахин 157 сая ам.доллар төлөх юм. Учир нь хоёр компанийн хооронд “үүрэг хариуцлагын бичигт” гарын үсэг зурсны дагуу “BlackBerry” компани өөр худалдан авагчтай болсон тохиолдолд “Fairfax Financial Holdings”-т нөхөн төлбөр олгох шаардлагатай болж байгаа аж. Үүнтэй холбогдуулж “BlackBerry компанийн зүгээс ийм хэмжээний нөхөн төлбөр олгохыг зөвшөөрч байгаа нь энэ салбарт урьд өмнө нь сонсогдож байгаагүй хэлцэл болсон юм.

Blackberry-г өдгөө дэлхий даяар 50 сая хүн хэрэглэж байна. Компанийг худалдан авсан даатгалын компани шинэчлэлийн талаар ямар нэгэн амлалт өгөөгүй, өгсөн ч хэрхэн хийх гэдэг нь тодорхойгүй юм. Тиймээс хамгийн ажил хэрэгч гар утас гэгдэж байсан blackberry-г буй 50 сая хүнд нөхцөл байдал хүндээс тусч байна.
2009 онд Blackberry-г монголд хэрхэн рекламдаж байсныг хүргэе.