Оросын зарим хуульчид болон иргэний хөдөлгөөнийхөн тус улсын Ерөнхийлөгч Владимр Путинг 2014 оны Нобелийн шагналд нэр дэвшүүлэхээр зэхэж байгаагаа мэдэгдлээ. Тэд В.Путинг Сирийн иргэний дайны асуудал дээр хүмүүнлэг, зоригтой, зөв байр суурь барьж чадсан гэж үзэж байгаа аж. ДУМ-ын гишүүн Иосиф Кобзон гэхэд "2009 онд Б.Обама энэ шагналыг авч байсантай харьцуулахад В.Путин хамаагүй илүү чухал, үнэ цэнэтэй зүйл хийсэн" гэжээ. Мөн Шашны нэгдэл, хамтын ажиллагааны нийгэмлэг гэдэг төрийн бус байгууллагаас энэ жилийн онцлох хүнээр В.Путинг тодруулахаар зэхэж байгаа аж. Тэд Нобелийн хороонд 9-р сарын 20-ны өдөр В.Путинг нэр дэвшүүлэх хүсэлтэй байгаагаа илэрхийлж захидал илгээжээ. Өмнө нь ОХУ-ын гурван иргэн Нобелийн шагнал хүртэж байсан. Хамгийн сүүлд ЗХУ-ын удирдагч Михайл Горбачев энэ шагналын эзэн болж байжээ. Нобелийн хороо нэр дэвшигчдийн саналыг 2014 оны 2-р сарын нэгэнд авч дуусдаг бөгөөд ялагчийг 10-р сард зарлана. Харин 2014 оны шагнал гардуулах ёслол /2014 оны/ 12-р сарын 10-нд Норвегт болох юм.
Б.Баяр
Сэтгэгдэл (7)