Агаарын бохирдол тархины даралт, ханиад, янз бүрийн хавдар гээд олон төрлийн өвчний эх үүсвэр болдогийг бид мэднэ. Тэгвэл үүнээс ч илүү эрүүл мэндэд нөлөөлж байдаг нь дотоод агаар буюу гэр, ажил, сургуулийн өрөөн дэх агаар. Хүн амьдралынхаа 90 хувийг ямар нэгэн өрөөн дотор өнгөрөөдөг. Тиймээс тэр өрөөн дэх агаар ямар байхаас таны эрүүл мэнд хамаарах нь тодорхой. Гадныхан үүнийг indoor air pollution гэж нэрлэдэг. АНУ-ын судлаач Guy Hutton хүмүүс гадаад агаарын бохирдлоос илүү дотоод агаарын бохирдлоос болж амь насаа алддаг гэсэн дүгнэль хийжээ. 20-р зуунд дотоод агаарын бохирдлоос шалтгаалж 260 сая хүн нас барсан гэсэн судалгааг гаргасан байна. Энэ нь гадаад агаарын бохирдлоос амь насаа алдсан хүмүүсээс дөрөв дахин их тоо аж. Сонирхолтой нь тэрбээр гэртээ хоол хийхдээ хэрэглэдэг хатуу түлш хүмүүсийн эрүүл мэндэд ийнхүү муугаар нөлөөлдөг гэсэн байна. Латин Америкийн гэрийн эзэгтэй нарын 16 хувь, Өмнөд Азийн 74 хувь нь, Номхон далайн баруун бүс болон Африкийн эмэгтэйчүүдийн 77 хувь нь ийм түлш гэртээ хэрэглэдэг гэсэн тооцоо байдаг аж.

    Гэхдээ гадаах агаарын бохирдлоос “давуу талтай” нь бид үүнээс өөрсдийгөө амархан сэргийлж чадна. Гэр хорооллын утаа, машины угаар, цахилгаан станцыг бид яаж ч чадахгүй байгаа ч гэр, өрөөнийхөө агаарыг харин цэвэрхэн байлгах чадна. Ингээд дотоод агаарын бохирдлоос сэргийлж, эрүүл мэндээ хамгаалах хялбар аргуудыг хүргэе.
1.    Байнга чийгтэй цэвэрлэгээ хий.
2.    Өрөөний агаарыг сольж байх.
3.    Хана, тавилгын будагийн чанарт анхаарах.
4.    Тамхигүй орчин бүрдүүлэх.
5.    Ногоон ургамал тарих.
6.    Үлээдэг тень болон бусад халаагуур аль болох ашиглахгүй байх.
7.    Гэр хороололд байдаг бол  түлшиндээ анхаарах.