Энэ сарын 1-нд шилжих шөнө 103 болон Цагдаагийн байгууллагад “хүн хутгалуулсан байна” гэсэн дуудлага ирсэний дагуу холбогдох албаныхан очиж шалгажээ. Ингэхэд Алтай хотхоны 18 дугаар байрны гаражид яаралтай тусламжийн эмч нарыг очих үед  үүдэнд нь нүүр нүдээ тэсэртэл зодуулсан, гуяндаа хутгалуулсан байдалтай эмэгтэй хүн байсныг Цэргийн төв госпитальд хүргүүлсэн талаар бид мэдээлж байсан. Тэгвэл энэ талаар холбогдох албаны эх сурвалжаас тодруулахад, Энэ сарын 1-ний  шөнө 04.00 цагын үед ээж нь манай нөхөр согтуугаар охиноо хутгалчихлаа гэж цагдаад өргөдөл гаргасан. Үүний дагуу бид шалгаж байгаа.

-Охиных нь хувьд хэдэн настай вэ. Хэр зэргийн бэртэлтэй байгаа юм бол?
-  Охин нь 21 настай.  Охины биеийн байдал хүндэвтэр, дотуур цус алдалт ихтэй байсан учраас эмнэлгийн яаралтай тусламж авсан байгаа. Одоогоор шүүх эмнэлгийн дүгнэлт гараагүй байна.

-Охиныг аав нь архи ууж ирээд зодож, хутгалсан гэл үү?
-Аав нь архи уудаг орчиндоо түгшүүр төрүүлдэг  нэгэн гэсэн. Тэгээд тухайн өдөр согтуу ирэхээр нь охин нь цагдаа дуудаж эрүүлжүүлэхэд өгнө гэснээс болж гэр бүлийн маргаан гарч охиноо хутгалсан. Тэгээд ээж нь цагдаад өргөдөл гаргасан.