АНУ-ын Конгрессийн хуралдаан болдог Капитол Хилл-ийн ойролцоо буудалцаан боллоо. Нэг настай хүүхэд суулгасан хар өнгөтэй "Инфинити" маркийн машинтай эмэгтэй Цагаан ордны ойролцоо өндөр хурдтайгаар давхихад цагдаа нар түүнийг саатуулахаар араас нь хөөжээ. Эмэгтэй ямар нэгэн зэвсэггүй байсан ч цагдаа нараас зугтан Капитол Хиллийн хашаа руу дайрчээ. Тиймээс цагдаа нар түүнийг буудаж зогсоосон бөгөөд эмэгтэй газар дээрээ нас барсан байна. Энэ үеэр хоёр цагдаа гэмтсэн ч машинд сууж явсан нэг настай хүүхэд ямар нэгэн гэмтэл аваагүй байна.

    Гэнэтийн энэ үйл явдлыг албаныхан "террорист ажиллагаа биш" гэж мэдэгдсэн ч нас барсан эмэгтэйг хэн болох талаар мэдээлэл өгөөгүй байна. Холбооны мөрдөх товчооныхон эмэгтэйн энэ хачирхалтай үйлдлийг тогтоохоор ажиллаж байгаа бол Ерөнхийлөгч Б.Обама Конгрессийн ордны аюулгүй байдалдаа анхаарахыг сануулсан байна.