АНУ-ын Засгийн газар жилийн төсвөө баталж чадаагүйгээс болж зогсонги байдалд ороод байгаа. Тэгвэл энэ гацаа бизнесийн салбарт нөлөөлж эхэлсэн талаар тус улсын Худалдааны яамны нарийн бичгийн дарга Пенни Призкер анхаарууллаа. Тэрбээр "Америкийн бизнесийн салбарт асах их нөөц байдаг. Энэ нь бусад улс орны эдийн засагт ч нөлөөлнө" гэжээ. Тухайлбал "United Technologies" компани 2000 ажилтнаа түр хугацаагаар  ажлаас нь чөлөөлөх шийдвэр гаргасан байна. Учир нь "Blackhawk" нэртэй нисдэг тэрэг үйлдвэрлэдэг уг компанийн бүтээгдэхүүнийг хянах, баталгаа өгөх улсын байцаагч нар ажилгүй болжээ.

   Харин Батлан хамгаалах яамны төлөөлөгч 3000 хүн ямар ч цалингүй ажиллаж байгааг хэлсэн байна. Хэрэв Засгийн газрын зогсонги байдал арилахгүй бол энэ тоо өдөр ирэх тусам нэмэгдэх юм. Эдийн засагч М.Акуйно "АНУ бол дэлхийн номер нэг эдийн засагтай орон. Тэнд юу болно, бусад оронд хурдан нөлөөлдөг" гэжээ.

  АНУ-ын Ерөнхийлөгч Б.Обама улсын төсвийг баталж чадахгүй багаад бүгднайрамдахчуудыг буруутгасан мэдэгдэл хийсээр байгаа ч үр дүнд хүрэхгүй байгаа. Тэрбээр мөн улсын гадаад өрийн босго хэмжээг 16,7 тэрбум болгож өсгөхийг хүсч байгаа юм.