Дэлхий дээр ойролцоогоор 162 орны 30 орчим сая хүн боолын хөдөлмөр эрхэлдэг гэсэн судалгааг Global Slavery Index 2013-т дурджээ. Эдгээрээс Энэтхэг улсад хамгийн өндөр буюу 15 сая хүн, хүнд хүчир ажил хийж байгаа гэсэн дүн мэдээ гарсан байна. Харин Мауритана хэмээх улсын хүн амынх нь ердөө 4 хувь нь боолын хөдөлмөр эрхэлдэг гэсэн дүн мэдээгээр жагсаалтын хамгийн эхэнд бичигдлээ. Энэхүү дүгнэлтийг хийхдээ Австралийн олон улсын байгууллагын боолчлол, албадан гэрлэлт, хүний наймааны талаар хийсэн судалгааг үндэслэн тогтоосон байна. Олон улсын хөдөлмөрийн байгууллагын дүн мэдээгээр дэлхий дээр 21 сая хүн албадан хөдөлмөрийн золиос болжээ. Эдгээрээс Энэтхэг, Хятад, Пакистан, Нигер зэрэг орон боолын хөдөлмөр эрхлэгчдээр тэргүүлсэн байна.