Кени улсын нийслэл Найроби хотын Вестгейт худалдааны төвд болсон халдлагын хэрэгт Норвегийн цагдаа нар Сомали гаралтай нэгэн эрийг сэжиглэн шалгаж байна. 23 настай Сомали гаралтай Норвеги улсын иргэнийг халдлагыг зохион байгуулахад тусласан байж болзошгүй гэж үзжээ.
Сэжигтэн 2009 онд Сомалийн Ларвик хотыг орхин Норвегит ирсэн гэнэ. Аль Кайда бүлэглэлтэй холбоотой Ал-Шабаб бүлэглэлийнхэн үйлдсэн гэж үзэж байгаа халдлагын улмаас 67 хүн амь насаа алдаад байгаа. Норвеги улсаас Кенид томилогдож ажиллаж байсан эрэн сурвалжлах багийнхан сэжигтнийг есдүгээр сарын 21-нд эхэлж дөрвөн өдөр үргэлжилсэн халдлагад оролцсон гэдгийг нотолсон байна. Дээрх халдлагыг 10-15 хүн үйлдсэн бөгөөд Кенийн эрх баригчид тэднээс 4-г нь барьж чаджээ. Мөрдөгчид худалдааны төвд халдлага үйлдсэн этгээдүүдийг Европт орогнож байгаа гэж таамаглаж байгаа бөгөөд 23 мянга гаруй Сомаличууд амьдардаг Норвеги улсыг онцлон шалгалаа.
