Их Британийн удам зүйч эрдэмтэд Гималайн уулсын хормойд амьдардаг, маш ховор төрлийн сармагчны ДНК-г судалжээ. Энэ амьтныг эрдэмтэд “алмас” гэж нэрлэх нь ч бий. Судалгааны дүнд Гималайн сармагчин нь хэдэн мянган жилийн өмнө уулын оргилд амьдарч байсан цагаан баавгайн үр удам байж магадгүй гэсэн дүгнэлтэд хүрчээ. Оксфордын их сургуулийн генетикийн профессор Брайн Сикс Гималайн нурууны үл мэдэгдэх энэ хоёр амьтны генийн мэдээллийг уншиж, үсийг нь харьцуулан судалжээ. Тэрээр Норвеги улсаас олдсон 40 мянган жилийн настай эртний цагаан баавгайн эрүүний ясыг ашиглан хурууны хээг олж тогтоожээ. Ингээд хурууны хээгээ сармагчныхтай харьцуулсан гэнэ. Үр дүнд нь, Гимайлайн нурууны нууцлаг сармагчин нь бор баавгай, хойд туйлын цагаан баавгай хоёрын дундах нэгэн нууцлаг амьтан мөн гэсэн таамаглалыг дэвшүүлээд байна.
