Грекийн буяны байгууллага Италийн Ром хотод амьдардаг шаргал үстэй, цэнхэр нүдтэй бяцхан охины жинхэнэ нэр, эцэг эхийг нь хайж эхэлсэнээс хойш шуугиан дэгдээгээд байна. Охины талаарх мэдээлэл цацагдсаны дараагаар цагдаагийн байгууллагад 8000 гаруй дуудлага иржээ.



Охиныг ДНК-н шинжилгээнд хамруулж үзэхэд 4 настай Мария гэдэг болох нь тогтоогдсон боловч өөрийн хамт амьдарч байгаа эцэг эхтэйгээ огт холбоогүй болохыг илрүүлсэн байна. 40 настай эмэгтэй, 39 настай эрэгтэй хоёрыг өнөөдөр хүн хулгайлсан гэмт хэрэгт буруутган шалгаж эхэллээ. Энэ хосууд охиныг нийгмийн ажилтан нэрээр хулгайлж, гуйлга гуйлгуулж, сескийн зорилгоор ашигладаг байжээ. Хэдийгээр охин төрсөн эцэг эх нь биш ч гэсэн тэдэнд их дассан гэнэ.
Энэ гэр бүл 14 хүүхдийг хуурамч бичиг баримт бүрдүүлэн өөр дэрээ авч, асрамжилдаг байсан нь илэрлээ. Хачирхалтай нь хамтдаа амьдардаг өнөр өтгөн энэ гэр бүлийн хүүхдүүд бүгдээрээ нэг үеийнх боловч төрсөн газар, хаягийн бүртгэл нь өөр өөр гэнэ. Энэ бүхнээс үндэлсэн хуулийн байгууллагынхан хүн хулгайлсан хэмээн сэжиглэж байна. Гэвч сэжигтэн эмэгтэй сүүлийн 10 сарын доотор 6 хүүхэд төрүүлсэн гэж мэлзсээр байгаа. Грекийн талаас Мариа хэмээх энэ бяцхан охины төрсөн эцэг, эхийг олохын тулд интерпол, Европол зэрэг сүлжээнүүдээр хайж эхэлжээ. Уг хэргийн шалгалт үргэлжилж байна.