АНУ-ын Невада мужийн дунд сургуулийн сурагч зэвсэг барин ангийнхаа хүүхдүүдийг шархдуулсан хэрэг гарлаа. Энэ аймшигт үйлдлийг таслан зогсоох гэж оролдсон багш биедээ шарх авсаны улмаас амь насаа алджээ. Тус сургуулийн багшаар ажиллаж байсан 45 настай Майкл Лэндсберри хүүхдүүд рүү бууны сүм очихоос хамгаалах гэж хичээсэн болохыг ангийн 30 орчим сурагч гэрчилж байна. Эцэг эхчүүд амь үрэгдсэн багшийн сайхан сэтгэлд талархан нулимс асгаруулсаар байгаа юм. Тус сургуулийн вэб сайтад багшийнхаа дурсгалыг хүндэтгэн зургийг нь байршуулсан байна.
АНУ-ын эрх баригчдын зүгээс галт зэвсэг хэрэглэх явдлыг дэмжихгүй байгаа бөгөөд энэ талын хууль тогтоомжийг чангатгахаар анхаарч байгаа. Гэсэн хэдий ч хүүхдүүд буу зэвсгийг хаанаас авч хэрэглэж байгааг одоохондоо тогтоогоогүй байгаа ажээ. Халдлагын үеэр хэвлий болон мөрөн дээрээ шарх авсан 12 настай сурагчийн биеийн байдал тааруу байгаа ажээ.
Тус сургуульд 7, 8-р ангийн 700 орчим сургач суралцдаг байна. Одоогоор хүүхэд ямар учраас буу гартаа барих болсоныг шалгаж байгаа гэнэ. Энэ оны эхээр Сэнди Хоук нэртэй бага сургуульд буутай этгээд халдаж, 26 хүүхэд амь үрэгдсэн хэрэг гарч байсан билээ.
