Хятадын шүүхээс коммунист намд томоохон алба хашиж байсан Бо Силайг давж заалдах шатны шүүх хуралд оролцуулахаас татгалзжээ. Түүнийг эрх мэдлээ хэтрүүлэн ашиглаж, авилгал авсан хэрэгт буруутган бүх насаар нь шоронд хорих ялаар шийтгээд байгаа. Бо Силайг өнгөрсөн есдүгээр сараас эхлэн цагдан хорьсон юм. Эхнэр нь 2012 онд Их Британийн бизнесмэний амь насыг хөнөөсөн хэрэгт буруутгагдан, ял эдэлсэнээс хойш Бо Силай албан тушаалаасаа огцроод байсан юм. Бо Силай нь Хятадын баруун өмнөд хэсэгт орших Чонкюн хотын намын хорооны даргын албыг хашиж байсан бөгөөд улсыхаа хамгийн нөлөө бүхий 25 удирдагчийн тоонд багтаж байжээ.




Өмнөх онд түүний эхнэр Гу Кайлай Их Британийн бизнесмэнийг хөрөнгийн маргаанаас болж хөнөөсөн, энэ хэрэгт Бо Силайн төлөөлөгчөөр ажиллаж байсан ван Лижуныг тусалсан гэж үзээд 15 жилийн ял оноож байжээ. Бо Силайн гэр бүл улсын хөрөнгөөс нийт 20 сая юань залилсан гэж шүхээс үзэж байгаа юм. Бог дэмжигчид түүнийг улс төрийн цэвэрлэгээний золиос болсон гэж үзэн, ялыг нь хөнгөлөхийг хүсч байгаа ч эрх баригчид дээрх шийдвэрийг гаргажээ. Энэ хэрэг Хятадын ойрын хэдэн жилийн түүхэнд байгаагүй том авлигын хэрэг болж байгаа ажээ.