Германы канцлер Ангела Меркелийн утсыг АНУ-ын тагнуулын алба чагнаж байсан гэх мэдээлэл шуугиан тариад байгаа билээ. Тэгвэл Германы "Der Spiegel" сэтгүүл Ангела Меркелийг тагнаж байсан гэх шинэ баримтуудыг нийтэлсэн байна. Уг материалд Германы канцлер эмэгтэйн утсыг 2002 оноос хойш энэ оны зургаадугаар сар хүртэл чагнаж байсан баримт олдсон тухай дурдсан аж. АНУ-ын Ерөнхийлөгч Б.Обама энэ оны зургаадугаар сард Герман улсад албан ёсны айлчлал хийсэн билээ. Хэрэв энэ мэдээлэл батлагдвал хоёр орны харилцаанд том ан цав үүснэ.

  Өчигдөр АНУ-ын иргэд Цагаан ордны өмнө иргэдийн утсыг чагнахыг эсэргүүцэн жагсаал хийсэн юм.