2003 оноос хойш дүүрэг хотын засаг даргаар ажиллаж байсан хүмүүс газрын албаны удирдах албан тушаалтнуудыг их хэмжээний авлига авсан, албан тушаалаа урвуулан ашигласан, төрийн дансанд орох ёстой байсан үлэмж хэмжээний мөнгийг шамшигдуулсан хэргээр Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсээс шалгаж эхэлсэн. Учир нь дуудлага худалдаанд сонгон шалгаруулалтаар олгох ёстой байсан газруудыг газрыг захирамж гарган шууд олгосон гэх албан тушаалтнуудаас Эрүүгийн цагдаагийн газрынхан тайлбар мэдүүлэг авч байгаа юм. Мөн Эрүүгийн цагдаагийн газрын мөрдөн байцаагчид хууль зөрчиж олгосон байж магадгүй гэсэн 270 гаруй захирамжийн гэрээ, захирамж, дуудлага худалдаа явагдсан бичиг баримт, газрын төлбөр төлж байсан эсэх баримт, кадастрын зураг зэргийг шалгаж байгаа аж.