Урт нэртэй хуулийн хэрэгжилтийг эсэргүүцсэн “Гал үндэстэн” холбооны тэргүүн Ц.Мөнхбаяр нарын долоон хүнд эрүүгийн хэрэг үүсгэн хорих 461 дүгээр ангид саатуулан шалгаж буй. Өнгөрсөн долоо хоногт тус хөдөлгөөний нэг хүнийг суллажээ. Тодруулбал, Тагнуулын ерөнхий газраас “Онги гол” хөдөлгөөний дэд тэргүүн Гантулгыг батлан даалтад гаргаж, гадуур байцаахаар болжээ. Чухам ямар учраас гадуур байцаахаар болсныг тус холбооныхон “мөрдөн байцаалтын явцад манай хүмүүсийг авлига аваагүй гэдгийг тогтоосон. Тиймээс сулласан”гэх тайлбарыг өгч байна.