Манай улсад хөдөлмөр эрхлэхээр ирсэн гадны иргэд янз бүрийн хэрэг төвөгт орооцолдох тохиолдол цөөнгүй гардаг. Тэр дундаа барилгын салбарт ажиллаж байгаа хятад, солонгос ажилчид монгол иргэдтэй муудалцаж, нэг нэгийгээ гэмтээх зөрчил илэрсээр байдаг. Тэгвэл бага зэргийг үл ойлголцлоос болж ямар их асуудал гардгийг иргэд маань ухамсарлавал зүйтэй биз ээ. Ганцхан жишээ дурдахад л өчигдөр СБД-ийн 12-р хорооны иргэн 32 настай эрэгтэй Ө-г БНХАУ-н иргэн 33 настай эрэгтэй L Y N  нь ажлын байранд архи ууж болохгүй гэсэн шаардлага тавьсанаас болж хоорондоо маргалдсан байна. Улмаар хятад иргэн Ө-гийн зүүн хацрыг нь хүйтэн мэсээр зүсэж танхайрсныг таслан зогсоожээ. Хэргийг  СБД-ийн цагдаагийн хоёрдугаар хэлтэс шалгаж байна.