Өвөр Монгол эмэгтэйд Хятадын шүүхээс цаазын ял оноолоо. Уг эмэгтэй 1,23 тэрбум юань буюу 200 сая долларын хөрөнгийг бусдыг хуурч мэхлэх замаар өөртөө төвлөрүүлсэн гэж шүүхүзжээ. Өвөр Монголын дээд шүүхээс Су Еню хэмээх 42 настай эмэгтэйд энэ оны зургадугаар сарын 25-нд цаазын ял оноохоор шийдвэрлээд байсан юм. Түүний бүх эд хөрөнгийг битүүмжилж, ард иргэдийг залилсан гэж дүгнэжээ. Хэрэгтэн 1,23 сая юанийг буцаан өгнө гэж хэлээд хөрөнгө оруулагчдыг мэхэлсэн байна. Ийм их хэмжээний мөнгө залилсан нь ард иргэд төдийгүй улсад хохирол үзүүлсэн гэж шүүхээс дүгнэлээ. Сун Еню 2006 оноос эхлэн ресторан, фитнесс, нүүрсний уурхай, ферм зэргийг ашиглан хөрөнгө оруулагчдаас мөнгө татан төвлөрүүлж, 20 сая юаниар нь сугалаа хүртэл худалдан авч байжээ. Ингэхдээ 2006-2009 онд бизнес эрхэлж байсан бүх бичиг баримтуудаа устгажээ.