Их аварга  Асашёорюү Д.Дагвадоржтой гар зөрүүлсэн гэгдээд байгаа хүн нь “Петровис”-ын Ж.Оюунгэрэлийн хүү Б.Дөлгөөн гэдгийг бид мэдээлж байсан.  Сүхбаатар дүүргийн 6-р хороонд байрлах VLVT шөнийн клубт болсон “Жинхэнэ аймшгийн хаалттай Halloween” гэх партины үеэр тэдний хооронд асуудал үүссэн гэх. Хэдийгээр их аварга Д.Дагвадорж энэ мэдээллийг үгүйсгээд байгаад ч, түүнийг Б.Дөлгөөнийг хэд хэдэн удаа цохиод дараа нь өөрөө цохиулаад зогсохгүй түүнийг гартаа барьсан зуушны хутганд өртсөн гээд байгаа юм. Тэгвэл аварга маань зуушны хутгаар хацраа зүсүүлээд зогсохгүй, хамраа ч чихүүлсэн сурагтай.

Ямартаа ч хэргийг Сүхбаатар дүүргийн цагдаагийн нэгдүгээр хэлтэс шалгаж байгаа юм. Мөн шүүх эмнэлгийн дүгнэлт удахгүй гарна гэдгийг албаны эх сурвалж хэлж байна.

Дашрамд хэлэхэд, Монголын нефтийн салбарын том хатагтай гэгддэг Ж.Оюунгэрэлийн хүү тэрээр өмнө нь хүн зодсон хэрэгт холбогдож чамгүй дуулиан дэгдээж байсан нэгэн. Тэрээр  "Metropolis" клубт найзуудтайгаа наргиж байх үедээ зэргэлдээх ширээнийхээ залуустай маргалдан нэгнийх нь толгой руу шилэн аягаар цохиж хүнд гэмтээсэн байдаг. Хохирогчийн нүдэнд шилний хэлтэрхий орж хүнд гэмтсэн учраас Бээжин явж эмчилгээ хийлгүүлж байсан юм. Харин Б.Дөлгөөний олон нийтийн газарт танхайрч, бусдын биед хүнд гэмтэл учруулсан гэх хэргийг Баянзүрх дүүргийн цагдаагийн хэлтэст шалгаж байсан ч, тэгсхийгээд намжсан удаатай.