Хятадын нийслэл Бээжин хотын агаарын бохирдол сүүлийн жилүүдэд огцом нэмэгдсэн нь хүн амын эрүүл мэндэд ноцтой үр дагавар учруулж байна. Сүүлийн 10 жилийн байдлаар уушигны хорт хавдраар өвчлөгдсийн тоо 50 хувиар нэмэгджээ. Жишээлбэл, Бээжин хотод 2002 онд 100 мянган хүний 39,56 нь уушигны хорт хавдраар өвчилж байсан бол энэ тоо 2011 онд 63,09 болж өсчээ. Гэхдээ тус хотын эрүүл мэндийн байгууллагаас агаарын бохидол хорт хавдар үүсгэх шууд шалтгаан болохгүй ч нэг хүчин зүйл мөн гэдгийг хүлээн зөвшөөрсөн байна. Дэлхийн эрүүл мэндийн байгууллагаас агаарын бохирдлоос жил бүр хэдэн сая хүн амь насаа алддаг гэсэн дүгнэлт гаргасан юм. Тухайлбал, жилд 3,2 сая хүн цагаасаа өмнө хорвоог орхиж байгаагийн 200 мянга нь уушигны хавдраар нас барж буй гэнэ.