Согтуу замын цагдаа нарын хэрэг, "Ноёд" группын захирал Г.Буянкдоржид холбогдох авлигын хэрэг зэрэг олон нийтийн анхаарлыг татаж буй хэргүүдийн мөрдөн байцаалтын явц хэрхэн үргэлжилж байгаа талаар танилцуулж байна.

Прокурорын дэргэдэх Мөрдөн байцаах алба “Ноёд” группын захирал Г.Буяндорж нарт холбогдох хэргийг шалгаж байгаа. Энэ хэрэгт шүүгчийг шүүхийн шийдвэр гаргахдаа бусдаас авлига авсан гэж үзсэн тул Г.Буяндоржид холбогдох хэргүүдийг Мөрдөн байцаах алба шалгахаар болжээ.  Хэрэгт холбогдуулан Г. Буяндоржтой хамт БНХАУ -ын нэг иргэнийг хорьсон талаар эх сурвалж мэдээллээ.  Албаны эх сурвалжийн мэдээлснээр хоёр cap хоригдсон Г.Буяндоржийн хорих хугацааг дахин сунгасан байна. Түүнд гэмт хэргийн шинжтэй долоон үйлдэлд нь эрүүгийн хэрэг үүсгэн шалгаж байгаа юм. Дээрх хэргийг өмнө нь Улсын мөрдөн байцаах газар жил гаруй хугацаанд шалгасан ч хэргииг эхнээс нь дахин нягталж шалгаж байгаа гэж зарим эх сурвалж мэдээлж байна. Хэргийн мөрдөн байцаалт дуустал Г.Буяндоржийг хорих шаардлагатай гэж үзжээ. Г.Буяндоржийг бусдыг хуурч мэхлэх аргаар залилж онц их хэмжээний хохирол учруулсан хэргээр Эрүүгийн хуулийн 148.4 дугаар зүйл ангиар сэжигтнээр татаад байна.

"Гал үндэстэн” хөдөлгөөнийхөн Зэвсэгт хүчний Дорнод аймаг дахь цэргийн нэг ангиас их хэмжээний сум, галт хэрэгсэл, гар бөмбөг авсан болохыг хууль сахиулах байгууллагын ажилтнууд тогтоосон талаар эх сурвалжууд мэдээлж байна.  Энэ асуудалтай холбогдуулан дээрх ангийн эрх бүхий зарим алба хаагчийг шалгаж эхэлжээ. Байгаль орчныг хамгаалах иргэний хөдөлгөөнийхөн, “Гал үндэстэн” холбооны гишүүд “урт нэртэй” хуульд өөрчлөлт оруулахыг эсэргүүцэн хамтран жагсаал хийх үеэрээ Төрийн тусгай хамгаалалттай бүсэд галт зэвсэгтэй нэвтрэн, олон хүн цугладаг газруудад гар гранат байрлуулсан байсан билээ.

Авлигатай тэмцэх газрын хоёр ажилтныг Прокурорын дэргэдэх Мөрдөн байцаах алба шалгаж эхэлсэн талаар албаны эх сурвалж  мэдээллээ.  Тэднийг гэмт хэрэгт сэжигтнээр татагдсан этгээдийг шалгахдаа мөрдөн байцаах үйл ажиллагааны журам зөрчсөн, эрүү шүүлт тулгасан, дарамталсан гэж буруутгажээ. Дээрх хэрэгт АТГ-ын Мөрдөн байцаах албаны ажилтнуудыг шалгаж байгаа гэдэг мэдээлэл ч бидэнд ирээд байна.
Дэлгүүр дээрэмдсэн цагдаагийн хэргийн мөрдөн байцаалт дуусчээ


Чингэлтэй дүүргийн IV хорооны нутаг дэвсгэрт байрлах “Толла” хүнсний дэлгүүрт баг өмсөж, хийн буу ашиглан дэлгүүрийн худалдагч нарыг айлган сүрдүүлж орлогынх нь мөнгийг дээрэмдэхийг завдсан хэрэг өнгөрсөн есдүгээр сарын 18-ны өдөр гарсан. Эл хэргийг ЭЦГ-ын Эдийн засгийн гэмт хэрэгтэй тэмцэх хэлтсийн төлөөлөгч, цагдаагийн ахмад Ч.Эрдэнэжаргал үйлдсэн болохыг тогтоож эрүүгийн хэрэг үүсгэн шалгасан юм. Тэрбээр удаа дараагийн дэлгүүр дээрэмдэх үйлдэлтэй нэгэн байсныг ч бид мэдээлсэн. Хэргийн мөрдөн байцаалтын үйл ажиллагаа дуусч Нийслэлийн Прокурорын газар энэ сарын 3-ны өдөр шилжүүлсэн байна.

 ЗЦГ-ын Хөдөлгөөнт хяналтын хэлтсийн Тусгай хамгаалалтын тасгийн зохицуулагч цагдаа нар согтуугаар автомашин жолоодож, хүний амь бүрэлгэсэн хэргийг прокурорт шилжүүлсэн байна.
Хүнийг автомашинаар дайрч амийг нь хөнөөсөн Д.Батгэрэл, Д.Түмэнжаргал нарт эрүүгийн хуулийн 215.3 болон 216.2 дугаар зүйл ангиар яллах дүгнэлт үйлдүүлэхээр Нийслэлийн Прокурорын газарт шилжүүлжээ.

“Петровис”-ийн Ж.Оюунгэрэлийн хүү Б.Дөлгөөн энэ capын 1-ний шөнө бааранд танхайрч сүмогийн их аварга Д.Дагвадоржийн биед гэмтэл учруулсан билээ. Тэгвэл түүний хэргийг Сүхбаатар дүүргийн Цагдаагийн хэлтэст шалгаж эхэлсэн бөгөөд хэрэг болсны маргааш тэрбээр эхний мэдүүлгээ өгсөн байна. Энэ хэргийн мөрдөн байцаалтын ажиллагаа энэ долоо хоногт дуусах бөгөөд Б.Дөлгөөнийг буруутай гэж үзвэл эрүүгийн хэрэг үүсгэж хэргийг прокурорт шилжүүлэх юм байна.

Хэргийг сөхвөл, Б.Дөлгөөн нь энэ сарын 1-ний шөнө Сүхбаатар дүүргийн нутаг дэвсгэр, “Метромалл” их дэлгүүрийн зүүн талын хаалганд байрлах “VLVT” бааранд  их аварга Д.Дагвадоржтой муудалцаж, түүний хамрыг муруйлгаж, зуушны хутгаар хацрыг нь зүсч гэмтээсэн юм. Их аварга Сүхбаатар дүүргийи Цагдаагийн хэлтэст гомдол гаргаснаар Б.Дөлгөөнийг шалгаж эхлээд байгаа юм.