Хүн төрөлхтөн хөгжиж, соёлжтой болохын хэрээр ухамсар мэдлэг нь дээшилж буй. Гэсэн хэдий ч адгууснаас дор аашилж, эмэгтэйчүүдийн эрхийг хохироох тохиолдол буурахгүй байна. Тухайлбал, Энэтхэг улсын бүртгэгдээгүй гэмт хэргийн 10 хувь, АНУ-ын энэ төрлийн гэмт хэргийн 26-46 хувь нь хүчингийн хэрэг байдаг гэсэн судалгаа гарчээ. Үүнээс үзвэл, Энэтхэгт цагт 3, АНУ-д 9 эмэгтэй хүчингийн хэргийн хохирогч болж байна. Өөрөөр хэлбэл, Энэтхэгт 20 минут тутамд, Америкт 6 минут тутамд 1 эмэгтэй гэмт хэргийн золиос болсоор байгаа юм. Энэтхэгт 100 мянган иргэний 2 нь, Америкийн 100 мянган иргэний 26 нь хүчингийн хэргийн хохирогч болжээ. Гэхдээ эдгээр тоо баримт Америкт, Энэтхэгээс эмэгтэйчүүдийн эрх илүү зөрчигддөг гэсэн үг биш, харин энэ төрлийн хэрэг Энэтхэгээс илүү нуугдмал байдгийг харуулсан гэнэ. Ер нь, Афганистан, Конго, Пакистан, Энэтхэг, Сомали улсууд эмэгтэйчүүдэд хамгийн аюултай оронд тооцогдддог.

    Дээрх судалгаа баримтаас харахад, хүний эрх, эрх чөлөөг дээдэлсэн АНУ-д яагаад энэ төрлийн гэмт хэрэг буурахгүй байгаа нь сонирхолтой. Үүний шалтгааныг сүүлийн жилүүдэд техник, технологи хөгжиж ил задгай сурталчлах болсонтой холбон тайлбарладаг юм билээ. Америкчуудын 75 хувь нь утсаар секс хийх снаал хүлээн авч байсан гэсэн судалгаа ч бий.

Харин эмэгтэйчүүдийн эрхийг харьцангуй доогуур үнэлдэг Энэтхэг улсын хувьд хүчирхийллийн гэмт хэрэг улам харгис шинжтэй болж байгаа. Эдгээ жишээ, баримтуудыг дурдах нь илүүц бизээ. Мадуро хэмээх Энэтхэг бүсгүй 1972 онд хүчирхийлэлд өртсөн бөгөөд шүүхэд хандсан боловч түүнд итгэхгүй байжээ. Харж хандах хүнгүй, өнчин бүсгүй ийнхүү хууль шүүхийн өмнө цөхөрч эхэлжээ. Ингээд гэмт хэргийг үйлдсэн этгээдүүдийг шүүхээс суллаж явуулсан байна. Энэ бол Энэтхэгийн эмэгтэйчүүдэд тулгардаг ерөнхий дүр зураг. Энэтхэгт 20 минут тутамд нэг эмэгтэйг шатаах, хүчиндэх эсвэл зодох зэргээр хүчирхийлэл үйлдэж байдаг. Тус улсын хүчирхийллийн эсрэг хуульд олон цоорхой бий. Жишээ нь, хорирогчид нэр хүндтэй асран хамагалагч байхгүй бол хэргийг хаах тохиолдол гардаг. Ингэснээр охид хохироод үлддэг юм. Мөн хохирогчийн биед зодуулж, гэмтсэн шинж байхгүй бол хүчингийн хэрэг гэж тооцохгүй тохиолдол ч бий.  Гэхдээ хуулийн талаасаа охидын нэрийг нууцлах, мэдүүлгийг нь шүүх гүйцэт сонсож байх заалт оруулж эхэлж байгаа ажээ Энэтхэгийн 1,2 тэрбум хүн амын 75 хувь нь Мадурогийн адилаар тосгонд амьдардаг юм. Тиймээс ч уламжлалаа дээдэлдэг энэ оронд эмэгтэйчүүдийг гадуурхах явдал тосгоны иргэдэд түгээмэл илэрдэг байна.

    Харвардын их сургуулийн судлаачид Энэтхэг дэх эмэгтэйчүүдийн эсрэг хямралыг цаазаар авах ялаар хязгаарлахгүй гэдгийг тэмдэглэж байна. Эрэгтэй, хүмүүсийн хүйсийн харьцаа 0,93 хувь байдаг энэ оронд хүмүүсийн уламжлалт сэтгэлгээг өөрчлөх хэрэгтэй гэж үзэж байгаа юм. Жишээ дурдахад, Энэтхэг хүүхдүүдийн 47 хувь нь гэрлэж, өсвөр насны 1000 хүүхэд тутмын 62 нь жирэмсэлдэг. Өнгөрсөн зуунд 50 сая эмэгтэй Энэтхэг хүний наймаанд өртөж, алга болсон гэсэн дүн мэдээ бий. Хамгийн гол нь Энэтхэгийн соёлын хандлагыг өөрчлөхөөс нааш ээн бүхэн өөрчлөгдөхгүй гэдгийг судлаачид онцолжээ. Энэтхэгчүүд эрчүүд, хөвгүүдийг хүчтэй гэж үздэг ч нийгэмд эмэгтэйчүүд эзлэх байр суурь доогуур байдаг юм. Тус улсын хуульд эмэгтэйчүүд эрчүүдэд үйлчлэхийг хүлээн зөвшөөрөхөөс гадна эрэгтэйчүүд эхнэрээ зодож, шийтгэж болдог гэсэн ухамсар бий. Тиймээс ч Энэтхэгийн нийгмийн сэтгэлгээг өөрчлөх нь зүйтэй гэж үзжээ. Ер нь, дэлхий нийтэд эмэгтэйчүүдийн эрхийг хүндэтгэх, хамгаалах асуудал хурцаар тавигдсан хэвээр байна.