Өсвөр насны хүүхдүүд жирэмслэх нь буурч байгаа хэдий ч жил бүр 18-аас доош насны 7,3 сая охин хүүхэд төрүүлж байгаа гэсэн мэдээллийг НҮБ-аас гаргалаа. НҮБ-ын хүн амын сангаас эдгээр 7,3 сая эмэгтэйн 2 сая нь 14 ба түүнээс доош настай хүүхдүүд байгаа гэсэн эмгэнэлтэй тоог гаргажээ. Энэхүү дүн мэдээ нь хүсээгүй жирэмсэлт анхаарал татсан асуудал болохыг дэлхий нийтэд дахин сануулж байна. Хүүхэд байхдаа ээж болсон эмэгтэйчүүд боловсрол, мэдлэг олж авахад төвөгтэй төдийгүй энэ асуудлаас нийгэмд олон сөрөг дагавар үүсч байгааг мэдэгдлээ. Хэт эрт жирэмсэлсэнээс нөхөртөө дарамтлуулах, нийгэм, гэр бүлийнхнийхээ шүүмжлэлд өртөх зэргээр хүүхдүүд хямарч, ажилгүйдэл, ядуурал өсч байна. Хөгжиж буй орнуудад хүсээгүй жирэмслэлт хамгийн өндөр хувьтай байгаа бөгөөд тэдгээрийн дотор Ойрхи Дорнодын орнууд 20-24, Өмнөд Ази 22, Барууны орнууд 28 хувийг эзэлсэн бол үлдсэн хэсэгт нь Төв Африкийн орнууд орж байгаа юм. Дэлхийн эрүүл мэндийн байгууллагаас зарим орнууд гэр бүл төлөвлөлтөд онцгой анхаарч байгаа ч 7,3 сая гэдэг бол их тоо гэдгийг сануулж байна.