Р.Амаржаргал гишүүнээсээ татгалзах өргөдөл өгсөн нь  өрөөнөөсөө юу юугүй бичиг хавтсаа хамж, ширээн дээрх цаг, ханан дахь зургаа цаасан хайрцганд хийгээд, Төрийн ордны гадаа портер машин дуудаад нүүгээд явчихгүй юм байна. Өөрөө хүсэх нь эхлэл,  УИХ хүлээж авсанаар эцсийн шийдвэр болж, ноосоо тушаадаг хуультай. Эхлээд Төрийн байгуулалтын байнгын хороогоор орно, тэгээд нэгдсэн чуулганаар хэлэлцэнэ, нууц санал хураалтаар хүлээж авбал эрхэм гишүүн эрхэм иргэн болно. “Гишүүн өөр ажилд шилжих болон хүндэтгэн үзэх бусад шалтгаанаар чөлөөлөгдөх хүсэлтээ өөрөө гаргасныг УИХ хүлээн авсан” тохиолдолд л зундаа үсээ хусуулж “ноосоо” түр тушаадаг зантай Р.Амаржаргал гишүүн 2016 он хүртэл ахиж ургахгүй бүрэн эрхээ бүр өгөх юм. Өөр ажилд шилжих шалтгаан бол байна. Р.Амаржаргал хувь эзэмшдэг СЭЗДС-ийн захирал Т.Батжаргал амралтын газрын зөөгч хөвүүнд өөрийнх нь хэлсэнээр эдийн засгийн хүндрэлтэй үед ихээхэн үнэтэй хутган бүтээгдэхүүн гаргаж, 100 мянгаар торгуулаад зогсохгүй албан тушаалаараа төлж  огцорсон билээ. Хүндэтгэн үзэх бусад шалтгаан гэдгээр татгалзах магадлал бараг 100 хувь. 1,4 их наядаар орлого нь тасарч тодотгол хийсэн 2013 оны төсвийг өөрөө бол эсэргүүцсэн ч зүтгүүлэн батлуулсан Ерөнхий сайд, Эдийн засгийн хөгжлийн болон Сангийн сайд нарын өмнөөс хариуцлага хүлээе гэсэн мэдэгдлээ батална. Төсвийн тоо заалт бүрийн ард мөрийн хөтөлбөр, амлалтаа биелүүлэх тооцоо судалгаа, зорилго зорилт байх ёстой, онц чцхал бичиг баримтанд хариуцлагагүй хандаж байна гэж Ерөнхий сайд асан Р.Амаржаргал мэдэгдсэн билээ.
Нууц санал хураалтаар хүсэлтийг нь хүлээж авахгүй бол яах вэ гэдэгт хариулт байхгүй.

Дэлгэрэнгүйг ЭНД дарж үзнэ үү.