Сүхбаатар дүүргийн 1 дүгээр хороо, 55 дугаар байрны цахилгаан шат гацаж дотор нь хүн байна гэсэн дуудлагын дагуу нийслэлийн Аврах ангийн Аврах шуурхай салбарын тасгийг гаргахад 53 настай, эрэгтэй байсныг гаргаж аюулгүй болгожээ. Мөн Хан-Уул дүүргийн 11 дүгээр хороо, Төрийн тусгай хамгаалалтын Их тэнгэр цогцолборын зүүн талд Богд уулын хад асганд шилүүс /өвчтэй байж болзошгүй/ байна гэсэн дуудлагыг 14:58 цагт өгснөөр нийслэлийн Аврах ангийн Эрэн хайх аврах салбарын бүлгийг гаргаж тусгай хамгаалалтын газар явж байсныг барьж аюулгүй болгон Төрийн тусгай хамгаалалтын ажилтанд хүлээлгэн өгчээ.