Өчигдөр орой УИХ-ын нэгэн залуухан гишүүний авсан зураг цахим ертөнцийнхний анхаарлыг татаж байна. Үе үехэн УИХ-ын гишүүдийн авсан паппараци зураг синсааци тарьдаг. Энэ удаагийн сенсаацийг нэгэн залуухан гишүүн тавилаа.

    Зургийн баатар нь УИХ-ын гишүүн, дархан аварга Б.Бат-Эрдэнэ, сайд Ц.Оюунгэрэл. Хоёр эрхэм ховорхон агшиныхаа талаар ямар нэгэн тайлбар хэлсэнгүй. Харин өмнөөс нь дэмжигчид нь, гишүүд нь, найз нөхөд нь сонирхолтой тайлбаруудыг цахим ертөнцөд хийж байна.

    Сайдын ичингүйрэл, аваргын инээд цацарсан энэхүү зургийн эзэн жиргээч гишүүн “Шооч аварга зураг авахыг хараад зориуд хээгүй сайдыг маань байдалд оруулсан байна. Анзаарсангүй жиргэсэнд уучлаарай” хэмээх залруулга хийгээд арилж өгөв. Бодвол аварга гишүүн, сайд хоёроос анхааруулга авахын зэрэгцээ дарсан зурагаа устгах үүрэг хүлээсэн биз. Гэвч цахим ертөнцөд арван мянга хол давсан дагагчтай гишүүний дарсан зураг алга болох нь битгий хэл хоромхон зуур олны хүртээл болсоор байна.

    Тиймээс өчигдөр оройн зоогийн үеийн “сонирхолтой болзоо” хэмээх нэртэй энэ зураг нэг хэсэгтээ л дуулиан болох нь гарцаагүй боллоо.