АНУ-ын Филадельфиа мужийн 17 настай хүү Нашин Андерсон шүүхээр хэлэлцэж байсан гэмт хэргийн гэрчийн мэдээллийг Твиттерт ил болгосныхоо төлөө хариуцлага хүлээж, хоригдож магадгүй байна. Түүнийг ноцтой гэмт хэргийг нийгмийн сайтад задруулж, гэрчийг сүрдүүлэн халдлага үйлдсэн гэж дүгнэжээ. Андерсон хүү өнгөрсөн онд дүүргийн итгэмжлэгдсэн өмгөөлөгчийн төлөөлөгч Таша Жамерсоны талаар өөрийн Твиттер хуудаснаа нийтэлсэн юм. Ингэхдээ тэрээр гэрч эмэгтэйн зураг болон хувийн мэдээллийг дэлгэсэн байна. Тус улсын хуулиар онц ноцтой гэмт хэргийн гэрчүүдийг чандлан нууцалдаг гэнэ. Харин энэ нууцыг задруулбал, хуулийн хатуу шийтгэл хүлээдэг. Андерсон хүү насанд хүрээгүй учраас хэргийг үргэлжлүүлэн шалгаж, шүүх хурлын товыг удахгүй зарлахаар болсон байна.