Татварын байцаагч бүсгүйчүүдийн дурлалын гурвалжин эцэстээ нэгийг нь шоронд, нөгөөг нь үхэлд хүргэснийг мэдэхгүй өнгөрсөн хүн гэж ховор биз ээ. Тухайн үедээ яллагдагч Ц.Туяа нь хохирогч  Э-г хууран мэхлэх замаар дуудаж авчраад байрны орцонд хутгалж амийг нь хохироосон байдаг.  Гэр бүлийн хардалтаас болж мэргэжил нэгт бүсгүйгээ 75 удаа хутгалж амийг нь хөнөөсөн татварын байцаагч Ц.Туяад анхан шатны шүүхээс чанга дэглэмтэй хорих ангид 22 жил хорих ялыг оноосон байгаа.  Тэгвэл түүний өмгөөлөгч болон ар гэрийнхэн давж заалдахаар гомдлоо гаргажээ. Тэгэхээр татварын байцаагч бүсгүй Ц.Туяад холбогдох хэргийн хяналтын шатны шүүхээр авч хэлэлцэж магадгүй байна.