АНУ-ын Нью-Йорк хотод нэг сая доллараас илүү үнэтэй байшинд амьдардаг оршин суугчид цөөнгүй байдаг. Тэгвэл жүжигчин Леонардо Ди Капрео амьдрахад хамгийн тав тухтай гэж нэрлэгддэг баячуудын хороололд шинээр нүүж ирсэн байна. 50 сая долларын үнэтэй дөрвөн давхар хаус нь хамгийн өндөр өртөгтэй байшинд тооцогдож буй аж. Энэ байшин нь 5 унтлагын өрөө, зургаан угаалгын өрөөтэй бөгөөд гадны өндөр үнэтэй хауснуудаас гойд ялгараад байх зүйлгүй гэнэ. Тэгвэл Колумбын их сургуулийн анаагахын сургууль болон Маяо эмнэлэгээс уг байшинг хүн эрүүл амьдрахад хамгийн тохиромжтой байрлалтай гэж үзсэн тул жүжигчин ийнхүү маш том хөрөнгө оруулалт хийжээ. Энэхүү байшинд хүн эрүүл амьдрахад зориулсан 50 орчим бүтээн байгуулалт хийсэн юм байна. Жишээ нь С витамин хандалсан усаар шүршүүрт орж, ус агаарыг дээд зэргээр цэвэршүүлсэн орчинд амьдрах боломжтой аж. Мөн байгалийн гэрлийг тохируулж, гал тогоондоо ургамал тарьсан, эрүүл мэндийг хамгаалахаар тохируулсан шалтай зэрэг “ид шид” ихтэй гэнэ. Эрдэмтэд байгальд ээлтэй ийм төрлийн 200 гаруй байшин үйлдвэрлээд байгаа юм. Ер нь сүүлийн үед дэлхийн баячууд хэт үнэтэй зүйлд хошуурч хийрхэхээс илүүтэй эрүүл аж төрөх ёсыг сонгодог болоод байгаа билээ. 15 мянган долларын машин авч чамирхдаг гадаадынхны хувьд ийм сонголт хийх нь юу буруу нь байхав хэмээн жүжигчний шүтэн бишрэгчид үзэж байгаа гэнэ.