”Рийчфейлд”-ийг монгол залууд зарсан солонгосчуудаа холбогдох хэргийн эргэн тойрондСолонгосын гампи буюу хууль бус үйл ажиллагаа явуулдаг нэгэн бүлгийн толгойлогч Ан Жэ Мань гэгч дээрэм тонуул, мөрийтэй тоглоомын газраас олсон хууль бус мөнгөө манай улсад оруулж ирэн угааж байжээ. Тэрбээр эх орондоо мөрийтэй тоглоомын хууль бус газар ажлуулан, их хэмжээний орлого олсон хэргээр шийтгүүлсэн бөгөөд уг мөнгөө манай улсруу оруулж, түүнийг нь Монгол дахь төлөөлөгч "Юилсот" компанийн захирал Ли Жэй Гүн хүлээн авч, хууль ёсны буюу хөрөнгө оруулалтын ашиг болгохоор ажиллаж байсан аж. Тэрбээр БНСУ-аас Ан Жэ Мань-ийн явуулсан доллар, вонийн тодорхой хэсгээр Чингэлтэй дүүргийн зургаадугаар хороонд "Рийчфейлд" гэх зочид буудлыг бариулж, ашиглалтанд оруулсан нь шалгалтаар тогтоогдсон. Ан Жэ Мань нь хууль бус үйлдлээрээ 4.5 сая ам.доллар олсон хэмээн шүүхээр шийтгүүлсэн бөгөөд "Юилсот" компани болон түүний захирал Ли Жэй Гүн нь толгойлогчийнхоо данс руу 11 тэрбум төгрөгтэй тэнцэх хэмжээний валют шилжүүлсэн гэх баримт хяналтын байгууллагынханд байгаа аж.
Энэхүү бүлэглэлийн толгойлогч манай улсад газар авч түүнийгээ хятад иргэнд зарж байжээ
Тэгвэл Солонгосын хууль бүс үйл ажиллагаа явуулдаг бүлгийн толгойлогч гэх Ан Жэ Мань нь Баянзүрх дүүргийн зургаадугаар хороо “Натур” худалдааны төвийн урд 3800 м2 газрыг хууль зөрчин худалдсан байсныг эх сурвалж баталсан. Тодруулбал, Ан Жэ Мань нь 2006 оны арваннэгдүгээр сарын 13-ны өдрийн 328 тоот тухайн үеийн тус дүүргийн Засаг даргаар ажиллаж байсан Э.Мөнх-Очирын тушаалаар таван жилийн хугацаатайгаар уг газрыг ашиглахаар болсон аж.
Хуулинд зааснаар бол Монгол Улсын газар нутгийг гадаадын иргэн тодорхой хугацаанд ашиглах эрхтэй. Харин худалдан борлуулах эрхгүй. Учир нь түүнийг өмчлөөгүй бөгөөд зөвхөн тодорхой хугацаанд ашиглах эрхтэй. Харин Монгол Улсын иргэн л өмчлөх эрхтэй хэмээн хуульчилсан байдаг. Гэтэл БНСУ-ын иргэн Ан Жэ Мань өөрийн өмч мэт нэг сая ам.доллараар “Мятрашгүй өндөр” ХХК-нû БНХАУ-ын иргэнд худалдан борлуулжээ.
Мөрдөн байцаах газраас хэргийн тухайд юу ярив?/
"Солонгос улсын Сөүл хотын шүүх тус улсын иргэн Ан Жэ Мань гэгч нь хууль бусаар олсон орлого, онц их хэмжээний мөнгөөрөө Монгол Улсын нийслэл Улаанбаатар хотод буюу Чингэлтэй дүүргийн зургаадугаар хороонд "Рийч фейлд" нэртэй зургаан давхар зочид буудал бариулж, БНСУ-ын иргэн "Юилсот" компанийн захирал Ли Жэй Гүн нарт бэлэглэлийн гэрээгээр шилжүүлж, мөнгө угаасан гэмт хэрэг үйлдсэн болохыг БНСУ-ын хууль хяналтын байгууллага тогтоосон байгаа. Ингээд Ан Жэ Мань гэгчийг гэм буруутайд тооцож 3.6 жилийн хорих ял, 4.5 сая төгрөгний хөрөнгө хураах ялтайгаар шийтгэсэн байдаг. Энэ тухай БНСУ-ын Прокурорын газраас 2012 оны наймдугаар сард Чингэлтэй дүүргийн зургаадугаар хорооны нутаг дэвсгэрт байрлах "Рийч Фейлд" зочид буудлын үйл ажиллагааг зогсоон, худалдан борлуулах, хууль бусаар олсон орлогыг БНСУ-д шилжүүлэх хүсэлтийг хоёр улс хоорондын эрхзүйн харилцан туслалцах гэрээний дагуу Монгол Улсын Прокурорын газарт ирүүлсэн байна. Энэ хүсэлтийн дагуу манай улсын нийслэлийн шүүхийн шийдвэр гүйцэтгэх албанаас шийдвэр гүйцэтгэх ажиллагаа явуулсан. Ингэхэд "Юилсот" компанийн захирал Ли Жэй Гүн гэгч нь уг обьектийг хууль бусаар олсон орлогоор олж, энэ орлогынхоо дагуу барьсан гэдгийг мэдсээр байж монгол улсын хуулийн этгээдэд 2012 оны долдугаар сард худалдан борлуулсан болох нь мөрдөн байцаалтын ажиллагаанд тогтоогдож байгаа. Энэ үйлдэлд эрүүгийн хуулийн тусгай ангийн 166.1 буюу мөнгө угаах гэмт хэрэгт сэжигтнээр тооцогдон шалгагдаж байна" гэв.
Ийн Солонгос улсын шүүхээс ял сонсож байсан этгээд манай улсад ирж мөнгө угааж, гэмт хэрэг үйлдэж байгааг Солонгосын Прокуророос манайд мэдэгджээ. Энэ мэт тухайн улсдаа гэмт хэрэг үйлдэж байсан хүмүүс манай улсад ирж хөрөнгөжиж, бохир аргаар мөнгө олж буй тохиолдол хэд ч байгааг хэлж мэдэхгүй юм.
/24tsag.mn/
Сэтгэгдэл (2)