Өнгөрсөн амралтын өдрүүдэд Малдив улсад ерөнхийлөгчийн сонгуулийн санал хураалт болж өнгөрсөн билээ. Сонгуульд Абдулла Ямээн 51,3 хувийн санал авсан бол тус улсын ерөнхийлөгч асан Мухамед Нашед 48,6 хувийн саналаар удаалсан болохыг хүлээн зөвшөөрчээ. Ерөнхийлөгч Мухамед Нашед ялагдлаа хүлээснээр шинэ ерөнхийлөгч албан ёсоор тангарагаа өргөсөн байна. Тэрбээр улс орныхоо эдийн засгийн хөгжилд голлон анхаарах болно гэдгээ илэрхийлжээ. Тус улсад өмнө нь гурван ч удаа сонгууль явуулж, ерөнхийлөгчөө сонгож чадахгүй байсан юм. Засгийн эрх баригчид сонгуулийн дүнг луйвардаж, өөрсдийн талын нэр дэвшигчдээ ялуулах гэлээ хэмээн иргэд эсэргүүцэж байсан бол шинэ ерөнхийлөгч хүлээн зөвшөөрлөө.