Фэйсбүүк хуудсанд зочлох нь ашигтай гэнэ. Учир нь өөрийнхөө зургийг олон нийтийн сайтаас харах нь муу зан аашаасаа салахаас гадна бусад эрүүл мэндийн асуудлыг шийдвэрлэхэд чухал гэдгийг нэгэн шинэ судалгаагаар нотолжээ. Портсмудын их сургуулийн доктор Алис Гүд, нийгмийн сайт хэрэглэгчдийн 90 орчим хувь нь өөрийн нүүр хуудсан дах зурагнуудаа хардаг байна. Харин 75 хувь нь ямар нэгэн таагүй мэдрэмж төрсөн үедээ зурагнуудаа үздэг гэж нотолжээ. Тэрээр фэйсбүүк хэрэглэх нь хүний зан аашийг засахаас гадна таагүй мэдрэмж төрсөн үед анхаарлыг нь сарниулдаг гэж үзэж байна. Түүний энэ судалгаанаас өмнө Фэйсбүк ашиглах нь эрүүл мэндэд муу гэж үзэж байсан юм. Дээрх судалгаанд фэйсбүүк хэрэглэдэг 144 хүнийг хамруулахад тэд үргэлж хуучин зураг, постуудаа харж өнгөрсөнийг санагалзсан үедээ таатай мэдрэмж авч байжээ. Хуучин зураг, постуудаа эргэн харах нь фэсбүүк хэрэглэгчдийн хийдэг гол зүйл бөгөөд энэ нь тэднийг аз жаргалтай болгодог байна. Энэхүү судалгаанд мөн фэйсбүүк сайтад хүний эрүүл мэндэд тустай зүйл байгааг харуулжээ. Доктор Гүдийн хэлж байгаагаар өөрийнхөө хуучин дурсамжийг харсанаар муу зангаасаа салах гэнэ. Бид өнгөрсөн сайхан дурсамжаа санасанаар муу зүйлийг амархан мартах болно гэж ярьсан байна. Эрдэмтэд өнгөрсөн дурсамж нь хүмүүсийн муу дурсамжийг мартуулахад нөлөөлдөг гэдгийг хүлээн зөвшөөрдөг. Мөн дээрх судалгаагаар фэйсбүүк хэрэглэгчдийн 34-39 хувь нь сэтгэл санааны хувьд ямар нэгэн асуудалтай гэдгийг тогтоосон юм. Судалгаанд оролцогчдын 80 гаруй хувь нь ухаалаг гар утас хэрэглэдэг байсан бол 86 хувь нь өдөрт нэгээс дээш удаа фэйсбүүк хэрэглэдэг хүмүүс байжээ. 
